انسان حق‌لری فعال‌لری بیرلشمه‌سی، افغانستان‌ده طالبان تامانیدن، عیال‌لر توتقین‌گه آلینیشی‌گه قرشی عکس العمل کۉرستدی.
مذکور بیرلشمه تامانیدن بو خصوصده ترقه‌تیلگن بیانات‌گه کیلیشیچه، طالبان تامانیدن خاتن_قیزلر حجاب‌سیزلیککه عیب‌لنیب توتقین‌گه آلینیشی، افغانستان‌گه عیال‌لر اوچون خواطرلی وضعیت‌لرنی یره‌تکن.
اوشبو فعال‌لر بیرلشمه‌سی، طالبان تامانیدن خاتن_قیزلر توتقین‌گه آلینیشی‌نی جنسی زوره‌وانلیک و همده خاص بیر قوم‌گه تېگیشلی عیال‌لرگه قرشی باسیم و دشمن‌لیک دیب، خلق‌ارا تشکیلات‌لر جمله‌دن بیرلشکن ملت‌لر تشکیلاتی، انسان حق‌لری بوییچه اروپا محکمه‌سی و خلق‌ارا تبعیض‌گه قرشی کمیته‌سیدن بو خصوصده چاره کۉریش‌لرینی سوره‌گن.
دیمک، افغانستان‌ده بیرلشکن ملت‌لر تشکیلاتی نینگ نماینده‌لیگی یاده «یوناما» هم، دوشنبه، ۲ – دلو کونی، ۲۰۲۳ – ییل نینگ اکتبر آیی‌دن دسمبر آیی‌گچه بۉلگن افغانستان‌ده‌گی انسانی وضعیت خصوصیده بیر گزارش ترقه‌تیب، افغانستان‌ده عیال‌لرگه قرشی چیکلاولر، جنسیت‌گه اساس زوره‌وانلیک‌لر و شونینگدېک هزاره‌لرگه قرشی ناتینچ وضعیت دوامیدن، خواطر بیلدیرگن ایدی.
