ترکیه پارلمانی، سویدن مملکتی‌نینگ ناتو خوفسیزلیک تشکیلاتی‌گه، اعضا بۉلیش تکلیف‌نی ۲۸۷ ایشانچ آواز بیلن، تصدیق‌له‌دی.
ترکیه پارلمانی تامانیدن آلینگن بو قرار اېسه، سویدن مملکتی‌نینگ رسمی‌لری تامانیدن خوش قرشی‌لنگن.
سویدن باش وزیری اولف کریسترسون، اۉزینی ایکس صحیفه‌سیده ترقه‌تکن بو خصوصده‌گی بیاناتی‌گه، ترکیه پارلمان‌نینگ بو قراری‌دن منت‌دارلیک بیلدیریب، ایندی مملکتی ناتو اعضاسی‌گه ایلَنیش‌گه یقین بۉلگن‌نی معلوم قیلگن.
سویدن باش وزیری اولف کریسترسون نینگ بو خصوصده ایتیشیچه: «بوکون بیز ناتوگه تۉلیق اعضاسی بولیش‌گه یقین‌لشدیک.»
دیمک، سویدن مملکتی قوشنی‌سی فنلاند مملکتی بیلن بیرگه‌لیکده، روسیه نینگ اوکراین اوستیده بۉلگن حربی هجومی آرتیدن، ناتو خوفسیزلیک تشکیلاتی‌گه اعضاسی بۉلیش‌نی تکلیف ایتکن ایدی. بیراق بو تکلیف عملگه آشیریلیشی ترکیه تامانیدن بیر کمیده ییل کیچیکتیریلدی و نهایتده، ترکیه پارلمانی بو خصوصده راضی‌لیک بیلدیرگن.
ترکیه حکومتی، ناتوگه سویدن اعضالیگی کیچیکتیریلیشی سببنی، ترکیه اۉز ملی خوفسیزلیگیگه خواطر بیلگن، گروه‌لرنی سویدن تامانیدن قولب_قوتلنیشی دیب ایتکن.
ایتیش کېره‌ک که حاضر سویدن نینگ ناتو تشکیلاتی‌گه اعضا بۉلیش تکلیفی، ترکیه جمهور باشلیغی رجب طیب اردوغان تامانیدن تصدیق‌لنیب و ترکیه دولتی گزیته‌سیگه ترقه‌تیلگندن کیین عملگه آشیریلیشی کوتیله‌دی.
