بوکون چهارشنبه، دلو آیی‌نینگ ۴ – سی و میلادی جنوری آیی نینگ ۲۴ – سی، خلق‌ارا اۉقیش کونی‌گه ماس دیر.
بوکون افغانستان‌ده شوندی بیرحالده ییتیب کیلماقده دیر که بو مملکت قیزلری ایکی ییل‌دن بویان، انسانی اوشبو حق‌لریدن محروم سقلَنیب کیلماقده‌لر.
اوتکن ایکی ییل جریانیده، افغانستان‌گه حاکمیتی تیپه‌سیگه تورگن طالبان حکومتی، ایچکی و خلق‌ارا ایسته‌ک‌لرگه قرشی، افغانستان قیزلرینی اۉقیشی اوچون چیکلاو یره‌تکن و حاضر مکتب دوریده، آلتینچی صنف‌دن یوقاری قیزلر یوزیگه مکتب یاپیلگن و شونینگدېک بیلیم یورت ایشیک‌لری هم قیزلر اونگیده یاپیق دیر.
طالبان حکومتی نینگ بو قراری قنچه‌لب خلق‌ارا مملکت‌لر و تشکیلات‌لر تامانیدن قاره‌لندی، بیراق بو حکومت اونگه تَن بیرمه‌ی، قیزلرنی اوقیش‌دن محروم اسره‌ب کیلماقده.
طالبان حکومتی، اوقیش اوچون اسلامی زمینه یره‌تیلگندن کیین، قیزلرگه اوقیش اوچون رخصت بیریش‌دن، ایشانچ بیرگن. بیراق حاضرگه قدر طالبان‌نینگ بو سۉزی عملگه آشیریلگن ایمس.
بونگه قوشیمچه، اوتکن ایکی ییل جریانیده افغانستان‌ده، اۉقیش جریانی صفتی، باشقه بیرقنچه سبب‌لر باعث هم قویی کیلگنی ایتیله‌دی، بو سبب‌لردن بیری افغانستان بویلب قشاق‌لیک وضعیتی کینگه‌یشی دیر.
خلق‌ارا آذیق_آوقت دستورینی اعلام قیلیشیچه، حاضر افغانستان‌ده کوپلب باله‌لر آچ‌لیک بیر وضعیت‌گه اوقیش‌گه قتنه‌یدیلر.
