افغانستان نینگ سابق حکومت دوریده‌گی بیر قنچه سیاسی سیمالر و ملی کېنگش اعضالری بیرگه‌لیکده فدرالی بیر جریان قۉریب و اونینگ موجودیتی‌نی اعلام قیلگن.
دیمک، اوتکن کیچه شنبه، ۱۴ – دلو اۉزینی موجودیتی‌نی مجازی بیر کورینیش‌ده اعلام قیلگن بو جریان افغانستان‌ده فدرالی سیاسی تیزیمی‌نی، یالغیز ایچیم یۉل اوله‌راق بیان قیلگن.
افغانستان سابق جمهور باشلیغی نینگ ایکینچی اۉرین‌باسری سرور دانش و افغانستان سیاسی سیمالریدن بۉلمیش عبدالطیف پدرام و شونینگدېک بیرقنچه سیاسی سیمالر حضوریده قۉریلگن بو جریان، افغانستان‌ده سیاسی کوچ‌نی برچه خلق‌لر آره‌سیده بولینیشی اوچون سعی و حرکت قیلیش‌لریدن خبر بېرگن‌لر.
مذکور جریان ییتکچیلری افغانستان نینگ حاکمیتیده بۉلگن طالبان حکومتی‌گه قرشی توخته‌ش مقصد بو جریان قۉریلمه‌گن‌نی بیلدیریب، طالبان‌دن هم فدرالی بیر تیزیم‌گه تَن بیریش‌لرینی سۉره‌گن.
ایتیش کېره‌ک که اوتکن ایکی ییل جریانیده بیر قنچه سیاسی جریان‌لر افغانستان اوچون تشقریدن قۉریلگن و بیراق اولرنی هیچ بیریسی افغانستان‌ده سیاسی بیر اوزگریش کېلتیریش اوچون حاضرگه قدر جدی بیر ایش بجریش‌گه قادر بولالمه‌گنلر.
