طالبان حکومتی‌نینگ تشقی ایشلر وزیرلیگی بیر بیانات ترقه‌تیب، بو وزیرلیک سرپرستی و بیرلشکن ملت‌لر تشکیلاتی‌نینگ مخصوص وکیلی فریدون سینیرلی اۉغلو بیلن اوچره‌شگنیدن خبر بېرگن.
بیانات‌گه اساس، اوشبو اوچره‌شوو بوگون دوشنبه، ۱۶- دلو کابل‌ده بۉلیب اوتگن و اوچره‌شووده کیله‌سی دوحه ییغینی‌گه تېگیشلی مسئله‌لر محاکمه اېتیلگن.
طالبان تشقی ایشلر وزیرلیگی نینگ بیاناتیده، اوچره‌شووده جناب سینیرلی اۉغلو تامانیدن افغانستان خصوصیده، جاری دلو آیی‌نینگ یکونی‌گه قدر اۉتکزیلیشی کوتیلگن دوحه ییغینی، افغانستان اوچون مهم و اونملی بۉلگنی اۉرغولنگن.
شونینگدېک طالبان تشقی ایشلر وزیرلیگی، سینیرلی اۉغلو تامانیدن دوحه ییغین‌گه طالبان هیئتی قتنه‌شیشی تکلیف اېتیلگنی ایتیلماقده.
مذکور اوچره‌شووده، امیرخان متقی ینه بیربار بیرلشکن ملت‌لر تشکیلاتی خوفسیزلیک کېنگشی تامانیدن تصدیق اېتیلگن ۲۷۲۱ رقملی قطعنامه‌گه اساس، افغانستان اوچون مخصوص وکیل تانیشتیریلیشی‌گه قرشی‌لیک کورسه‌تگن.
منو
