بیرلشکن ملت‌لر تشکیلاتی نینگ افغانستان اوچون بۉلگن دوحه یېغینیده، دنیا بویلب بیر قنچه مملکت‌لرنی وکیل‌لری اشتراک اېتماقده.
معلومات‌لرگه اساس، بو یېغین‌گه ۲۵ الی ۲۸ مملکت وکیل‌لری اشتراک اېتیشی ممکن.
دیمک، حاضرگه قدر یېتکرمه‌لر قول تاپکن دوحه یېغنی اشتراکچیلیری لیستی‌گه، امریکا قوشمه ایالت‌لری تامانیدن تام وست و رینا امیری آتی کۉریله‌دی.
شونینگدیک، عصمت الله ایرگاشف اۉزبیکستان تامانیدن، ضمیر کابلوف روسیه تامانیدن، حسن کاظمی قمی ایران اسلامی جمهوریتی تامانیدن، آصف درانی پاکستان تامانیدن، یوئه شیائو یونگ چین تامانیدن همده اوژگان ارتوگل، وفا حاجی‌اف ترکیه و ترکمنستان مملکت‌لری تامانیدن اشتراک اېتیشی بیلدیریلگن.
بونگه قوشیمچه، مذکور لیست‌گه اساس، افغانستان اوچون اروپا اتفاقی، جرمنی، فرانسه، جاپان، ناروی، اندونیزیا، قزاقستان، تاجیکستان، هند و بیرلشکن عرب امیرلیگی، وکیل‌لری هم یېغین‌گه اشتراک اېته‌دیلر.
طالبان حکومتی بو یېغین‌گه اشتراک اېتیش‌نی تحریم قیلگن.
بیراق بیرقنچه عیال‌لر حق‌لری فعاللری و ایریم افغانستان‌لیک سیمالر بو یېغین‌گه قتنه‌شیشی کوتیله‌دی.
افغانستان عیال‌لر حق‌لری فعال‌لریدن، شهرزاد اکبر، شاه گل رضایی، محبوبه سراج، فاطمه گیلانی و میترا مهران اشتراک اېتیشی خصوصیده خبرلر ترقه‌تیلگن.
بو خبرلرگه اساس، افغانستان یېتکرمه‌لری بۉییچه فعال لطف الله نجفی‌زاده و پرویز کاوه و افغانستان جمهوریت تیزیمیده‌گی سیاسی فعال‌لردن نادر نادری هم اشتراک اېتیشی کیره‌ک.
دیمک، تولیق بو لیست‌نی اشتراک اېتیشی حاضرگه قدر بیرلشکن ملت‌لر تشکیلاتی تامانیدن رسمی اعلان ایتیلمه‌گن.
