بیرلشکن ملت‌لر تشکیلاتی میزبانلیگیده دوحه شهریده افغانستان خصوصیده یۉلگه قوییلگن ایکی کون‌لیک یېغین، یکونلندی.
بیرلشکن ملت‌لر تشکیلاتی نینگ باش کاتبی آنتونیو گوتریش بو یېغین اداغیده، خبری بیر یېغین اوتکزیب، مذکور یېغین‌نی افغانستان اوچون اونملی و مهم اوقیدی.
بیرلشکن ملت‌لر تشکیلاتی نینگ باش کاتبی بو یېغین اشتراکچیلری آره‌سیده بیرلیک بارلیگینی بیلدیردی.
اونگه کۉره، یېغین اشتراکچیلری تامانیدن، افغانستانده داعش گروهی همده مخدره ماده‌لرگه قرشی کوره‌شیلیشی خصوصیده تاکید اېتیلگن.
شونینگدېک بیرلشکن ملت‌لر تشکیلاتی نینگ باش کاتبی، افغانستانده عیال‌لر حق‌لری نظرگه توتیلیشی، برچه شامل حکومت قوریلیشی و عصیانچیلیککه قرشی کۉره‌شیلیشی خصوصیده تاکید قیلدی.
آنتونیو گوتریش‌نی آرتیق‌لشیچه، طالبان حکومتی، بو خصوصلرده حاضرگه قدر هیچ قندی ایجابی آدیم کوتارگن اېمس.
دیمک، بو یېغین‌ده تعیین اېتیلیشی کوتیلگن افغانستان بۉییچه مخصوص وکیل تانیشتیریلمه‌گن و بیرلشکن ملت‌لر تشکیلاتی نینگ باش کاتبی بوندن کیین بو خصوصده جدی بیر جریان‌نی باشلشیدن خبر بېردی.
بیرلشکن ملت‌لر تشکیلاتی نینگ باش کاتبی، بوندن ایلگری طالبان حکومتی تامانیدن هم بیر مکتوب قولگه کیلتیرگنینی بیلدیردی.
طالبان حکومتی بو مکتوب‌ده، افغانستان‌لیک باشقه بیر تامان یېغین‌گه اشتراک اېتمسلیگی همده طالبان بیلن رسمی بیر حکومت اوله‌راق قرشی‌لنیشینی، یېغین گه اشتراک قیلیشلری اوچون شرط فویگن ایکن.
