اجتماعی ترقاقلرده اۉزبېک فعال‌لریدن قطاری، دوحه یېغینیده بو ملیت‌گه تېگیشلی وکیل چقیریلمه‌گنیدن ناراضلیک بیلدیرماقده‌لر.
اولر بیرلشکن ملتلر تشکیلاتی آرقه‌لی، افغانستان جماعه‌سی تامانیدن چقیریلگن وکیل‌لر آره‌سیده، افغانستان تورکلری اینقسه اۉزبېکلرگه تېگیشلی بیر وکیل یۉق‌لیگیدن تنقید قیلماقده‌لر.
سیاست همده عیال‌لر حق‌لری بۉییچه افغانستان‌لیک فعال‌لردن بیری بۉلمیش عالیه ییلماز بو خصوصده فکر بیلدیریب، یازگن بیاناتی‌نی بیر بولیمیده کیلیشیچه: ” ایندی اصل سوال شودیر که مونده ی بیر اندیشه گه ایگه بولگن بیرلشمیش ملتلر تشکیلاتی محوریتی ده آلغه باره دیگان بیر ساختارنینگ ، ایچکریده طالبان طرفیدن قوریله دیگان تک قومی بیر حکومت بیلن نیمه فرقی باردیر؟”
بیرلشکن ملتلر تشکیلاتی میزبانلیگیده، قطر نینگ دوحه شهریده، دلو آیی نینگ ۲۹ – ۳۰ – کونلریده اوتکزیلگن افغانستان بۉییچه بۉلگن یېغین‌گه افغانستان نینگ مدنی جماعه و انسان حق‌لری فعال‌لری جمله‌سیدن بېش کیشی چَقیریلگن اېدی.
بیراق اولرنی ایچیده اۉزبېکلرگه تېگیشلی هیچ کیم یۉقلیگی ناراضلیکلرنی اۉرته‌گه آلیب کیلگن.
بو خصوصده فکر بیلدیرگن اۉزبېک فعال‌لری، بیرلشکن ملتلر تشکیلاتی بو قیلمیش‌نینگ افغانستان‌ده برچه شامل بیر حکومت توزیلیشی بۉییچه بۉلگن سعی‌وحرکتلرگه قرشی دېب اورغوله شگن.
اوشبو فعال‌لردن قطاری تامانیدن بو خصوصده ترقه‌تیلگن یازمه بیانات‌نینگ بیر بولیمیده کیلیشیچه: “افغانستان سیاسی جماعه‌سی نینگ بیر بولیمی بۉلمیش اۉزبېک‌لر نظرگه توتیلمه حالده، افغانستان اوچون هر بیر حرکت نتیجه‌سیز دیر. بیرلشکن ملتلر تشکیلاتی تامانیدن افغانستان اوچون شرط قوییلگن برچه شامل‌لیک مسله‌سی بو تشکیلات تامانیدن نظرگه توتیلگن تقدیرده، تشکیلات خصوصیده ایشانچلرنی اۉرته‌گه آلیب کیله‌دی.”
ایتیش کېره‌ک که دنیا هم‌جمعیتی افغانستان‌ده طالبان حاکمیت‌گه قیتگنیدن بۉیان حاضرگه قدر برچه شامل حکومت قوریش‌نی بو حاکمیت برابریده بیر شرط اوله‌راق قرار بیریب کیلماقده.
