بیرلشکن ملت‌لر تشکیلاتی نینگ تعلیم، بیلیم و مدنیت تشکیلاتی یاده «یونسکو» فبروی آیی‌نینگ ۲۱ – سینی خلق‌ارا آنه تیل کونی اوله‌راق نامله‌گن.
دیمک حوت آیی نینگ ۲ – سیگه ماس، فبروری آیی نینگ ۲۱ – سی دنیا بۉیلب آنه‌تیل‌لرگه حرمت قایل بولیش مقصد، آنه تیل خلق‌ارا کونی اوله‌راق تعیین اېتیلگن.
اوشبو قرار بیرلشکن ملت‌لر تشکیلاتی نینگ تعلیم، بیلیم و مدنیت تشکیلاتی یاده «یونسکو» آرقه‌لی میلادی ۱۹۹۹ – ییل آلینگن و شو ییل‌دن باشلب حاضرگه قدر هر ییلی، بوکون آنه تیل کونی اوله‌راق، دنیا خلق‌لری تامانیدن نشانلنه‌دی.
بونگه قوشیمچه، بیرلشکن ملت‌لر تشکیلاتی عمومی مجمع‌سی هم، دنیا تیل‌لریگه اهمیت بیریش مقصد، میلادی ۲۰۰۸ – ییلینی، تیل ییلی اوله‌راق نامله‌گن اېدی.
ایتیش کېره‌ک که بو ییل خلق‌ارا آنه‌تیل کونی، شوندی بیر حالده ییتیب کیلماقده دیر که طالبان حاکمیتی آستیده بۉلگن افغانستان‌ده، اۉزبېک تیلی وضعیتی انچه خواطرلر بیلن بیرگه بۉلگن.
