امریکا قۉشمه ایالت‌لریده واقع شیکاگو بیلیم‌یورتی نینگ تدقیقاتچیلری افغانستان‌ده کوپلب تاریخی و قدیمگی ساحه‌لر تالان-تاراج اېتیلماقده‌لیگیدن خواطر بیلدیرگن.
بی‌سی‌سی نینگ گزارشیگه اساس، بو تدقیقاتچیلر تالان-تاراج اېتیلیشی باشلنگن اوشبو جای‌لر کوپینچه افغانستان نینگ شمالی قسمیده اینقسه بلخ ولایتیده جایله‌شگن دییشگن.
گزارش‌گه بو تدقیقاتچیلردن نقل قیلیب کیلیشیچه، افغانستان شمالی اینقسه بلخ ولایتیده قدیمگی جایلرنی قازیلیشی تالان-تاراج اېتیش مقصد جمهوریت دوریده باشلنگن اېکن و حاضرهم دوام اېتماقده.
شیکاگو بیلیم یورتی‌نینگ تدقیقاتچیلری بو سۉزلرنی بلخ ولایتی قدیمگی جایلرینی کورگن صورت‌لریدن کیلیب چیقیب تیلگه آله‌یاتکنلرینی معلوم قیلگنلر.
شیکاگو بیلیم‌یورتی نینگ تدقیقاتچیلریدن بیری، پروفیسور گیل استاین بی‌بی‌سی گه ایتیشیچه، افغانستان‌ده جمهوریت تیزیمی نینگ اخیرگی ییل‌لریده ۱۶۲ مکان و طالبان دوریده اېسه ۳۷ تاریخی مکان تالان-تاراج اېتیلیشی مقصد قازیلگن.
