طالبان مدنیت و اخبارات وزیرلیگی نینگ اعلام قیلیشیچه، جاپان مملکتی افغانستان نینگ تاریخی آبده‌لری سقلنیشی اوچون یاردم بېریشیدن ایشانچ بېرگن.
بو وزیرلیک تامانیدن ترقه‌تیلگن بیانات‌گه اساس، کابل‌ده‌گی جاپان ایلچیسی تاکویوشی کورومیا بو سۉزلرنی طالبان مدنیت و اخبارات وزیرلیگی نینگ اۉرین باسری عتیق الله عزیزی بیلن اوتکزگن اوچره‌شوویده تیلگه آلگن.
بو اوچره‌شووده، طالبان مدنیت و اخبارات وزیرلیگی نینگ اۉرین باسری جاپان مملکتیدن کابل موزیمی اوچون بیر بنا قۉریلیشیگه مالی یاردم بېریشینی سۉره‌گن.
ایتیش کېره‌ک که، افغانستان تاریخی مکان‌لری طالبان دوریده تالان – تاراج اېتیلیشی خصوصیده بوندن ایلگری خواطرلر بیلدیریلگن اېدی.
شیکاگو بیلیم‌یۉرتی تدقیقاتچیلری بیر نیچه کون ایلگری طالبان دوریده افغانستان نینگ تورلی منطقه‌لری اینقسه شمالی ولایت‌لریگه تېگیشلی کمیده ۴۰ تاریخی مکان تالان – تاراج اېتیلگنیدن خبر بېرگن اېدی.
