طالبان عالی محکمه‌سی بیانات ترقه‌تیب، جوزجان ولایت مرکزی شبرغان شهریده بیر کیشی اعدام اېتیلگنیدن خبر بېردی.
دیمک، طالبان نینگ بو قراریگه اساس، اصلی فاریاب ولایتی بلچراغ اولسواللیگی یشاوچیسی بۉلمیش نظرمحمد بوکون دوشنبه، ۷ – حوت، شبرغان شهریده اعدام اېتیلگن.
طالبان حکومتی تامانیدن، بو خصوصده ترقه‌تیلگن بیانات‌گه اساس، نظرمحمد بوندن ایکی ییل ایلگری خال محمد ناملی بیر کیشی‌نی اۉلدیرگن اېکن.
طالبان حکومتی بو کیشی شبرغان شهری فوتبال میدانیده، اهالی حضوری بۉلگن بیرحالده اعدام اېتیلگنینی معلوم قیلگن.
ایتیش کېره‌ک که بوندن بیر نیچه کون ایلگری طالبان حکومتی غزنی ولایتیده هم ایکی کیشی‌نی خوددی شوندی اعدام قیلگن اېدی.
