بوگون 1- مارچ کونی محلی وقت بیلن ساعت 08:00 ده ایران‌نینگ برچه ولایت‌لریده خبره‌لر کېنگشی و مجلس اعضالری اوچون آواز بېریش باشلندی.
آواز بېریش 10 ساعت محلی وقت بیلن آقشام ساعت 06:00 گچه دوام اېته‌دی. بیراق سیلاو ستاد مطبوعات کاتبی محسن اسلامی‌نینگ معلوم قیلیشیچه، ضرورت بۉلسه، آواز بېریش مدتی اوزه‌یتیریلیشی ممکن.
اونینگ علاوه قیلیشیچه: «بو ییل 60 میلیون‌گه یقین ایران‌لیک آواز بېریش حقوقی‌گه اېگه و بو حقوق‌دن فایده‌لنیش اوچون سیلاوچی بېش ته شخص نی تصدیقلاوچی حجت‌دن بیری نی تقدیم اېتیشی کېره‌ک.
دنیا بانکی‌نینگ 2022- ییلگی معلومات‌لریگه کۉره، ایران‌ده 88 میلیون‌دن آرتیق اهالی استقامت قیله‌دی.
