«افغانستان آزادلیک جبهه‌سی» نینگ ایتیشیچه، سۉنگی ایکی ییل‌ده طالبان‌گه قرشی 230 هجوم اویوشتیرگن و اوشبو هجوم‌لرده 600 طالب هلاک و باشقه 700 طالب اېسه یره‌لنگن.
مذکور جبهه اۉتکن کون (پنج‌شنبه، 10- حوت) فعالیت‌گه باشله‌گنی‌نینگ ایکی ییل‌لیگی مناسبتی بیلن بیر اعلامیه ترقه‌تیب یازیشیچه، بو مدت‌ده اېسه 13 حربی‌سی جان بېرگن.
اوشبو جبهه‌نینگ اعلامیه‌سی اساسیده، مذکور حربی‌لریدن 8 ته‌سی قویاش جاری ییل حمل آیی، جنوبی سالنگ‌ده طالبان بیلن آتیشیب جان بېرگن.
«افغانستان آزادلیک جبهه‌سی» نینگ کۉپه‌یتیریشیچه، سۉنگی ایکی ییل‌ده طالبان‌نینگ 14 زرهی و نقلیه واسطه‌سینی تخریب قیلگن و شونینگدېک مذکور گروه‌نینگ 75 میل آغیر و ینگیل قورالی بو جبهه حربی‌لری نینگ قۉلیگه توشگن.
اوشبو جبهه‌نینگ ایتیشیچه، طالبان‌گه قرشی هجوم‌لریده «اوروش قانونلری و خلق‌ارا انسان‌دوستلیک قاعده‌لری» نی جدی شکلده رعایت قیلیب و تینچ‌اهالی‌گه ضرر یېتیشمسلیگی اوچون مذکور گروه‌گه قرشی نېچه هجومی‌دن واز کېچگن.
