فلسطین ساغلیق‌نی سقلش وزیرلیگی پنجشنبه، حوت آیی نینگ ۱۰ – کونی، یاردم قولگه کیلتیریش مقصد صف‌گه تورگن کمیده ۱۱۵ کیشی، اسراییل کوچلری تامانیدن اوققه توتیلیب، اۉلدیریلگنینی معلوم قیلدی.
ایتیلیشیچه، بو واقعه عاقبتیده باشقه ۷۵۰ کیشی هم یره‌لنگن.
اسراییل اېسه بو گزارش‌‌نی رد اېتیب، مذکور کیشی‌لر یاردم بیروچی موترلر تگیده قالیب جان بېرگن دېب، ادعا قیلماقده.
دیمک بو واقعه خلق‌ارا تنقیدلر همده غزه‌ده‌گی جاری وضعیت خصوصیده خواطرلرنی اۉرته‌گه آلیب کیلگن.
بیرلشکن ملت‌لر تشکیلاتی نینگ باش کاتبی آنتونیو گوتریش بو واقعه‌نی قاره‌لب، غزه‌ده ۳۰ مینگ‌دن آرتیق کیشی اۉلیمیدن حیرتلنگنینی بیلدیرگن.
شونینگدېک، آنتونیو گوتریش، یاردم صفیده اۉلدیریلگن کیشی‌لر اۉلیمی خصوصیده جدی تدقیقات باشلنیشینی اورغوله‌شگن.
شوندی بیرحالده، ترکیه جمهور باشلیغی رجب اردوغان هم غزه‌ده قان توکیلیشی دوامیدن خواطر بیلدیریب، غرب مملکت‌لرینی اسراییل کوچلرینی قولب_قوتلشگه متهم قیلگن.
عینی حالده، امریکا جمهور باشلیغی جوبایدن هم بو واقعه‌نی قاره‌لب، بوندن کیین غزه‌ده یاردم‌لر هوادن چاچیلیشینی تصدیق اېتگن.
دیمک، بو واقعه شوندی بیرحالده یوز بیرماقده دیر که حاضر غزه‌ده آتیش-کیسین برقرار اېتیلیشی خصوصیده خلق‌ارا سعی و حرکت‌لر دوام اېتماقده.
