طالبان تشقی ایشلر وزیرلیگی نینگ اعلام قیلیشیچه، بو وزیرلیک سرپرستی امیرخان متقی، پاکستان ینگی تشقی ایشلر وزیری اسحاقدار بیلن تلیفونی صحبت قیلگن.
امیرخان متقی پاکستان مملکتی ینگی حکومتیدن، طالبان بیلن علاقه‌لرینی یخشی‌لب، منطقه‌ده‌گی مشترک اقتصادی لایحه‌لر عملگه آشیریلیشی خصوصیده دقت قیلیشینی سۉره‌گن.
شونینگدېک، طالبان تشقی ایشلر وزیرلیگی نینگ سرپرستی پاکستان ینگی تشقی ایشلر وزیرینی افغانستان‌گه سفر قیلیشینی خواهله‌گن.
طالبان نینگ بیاناتیگه اساس، بو سۉزلشووده امیرخان متقی، طالبان حکومتی بیلن پاکستان آره‌سیده‌گی علاقه‌لر یخشی‌لنیشیگه امید بیلدیرگن.
طالبان تشقی ایشلر وزیرلیگی‌گه کۉره، پاکستان تشقی ایشلر وزیری ایشی دوامیده طالبان بیلن علاقه‌لر یخشی‌لنیشی اوچون سعی‌وحرکت قیلیشگه اولگوریشیدن ایشانچ بېرگن.
