فارن پالیسی یېتکرمه‌سی ینگی‌لیکده، افغانستان‌ده القاعده گروهی نینگ شرایطی خصوصیده تیارلنگن، تدقیقات گزارش‌نی ترقه‌تگن.
دیمک بو گزارش فارن پالیسی تامانیدن، اۉتگن کون جمعه، مارچ آیی نینگ ۲۲ – سیده، ترقه‌تیلگن و اونگه افغانستان‌ده القاعده گروهی ینه بیربار کوچ‌لنگنی ادعا قیلینگن.
دیپلوماتیک سِرلی منبع‌لردن تیارلنگن بو گزارش، القاعده گروهی نینگ افغانستان‌ده بۉلگن شرایطیگه قره‌تیلگن و بو گزارش‌گه کۉره، طالبان حکومتی القاعده گروهی جنگری‌لریگه زور شرایط‌لر یره‌تیب بېرگن.
دییرلی بو گزارش‌نی ادعا قیلیشیچه، طالبان تامانیدن، القاعده گروهی جنگری‌لری اوچون پاسپورت، خاتین و یشش اۉی کبی امکانیت‌لر یره‌تیلگن.
شونینگدېک، فارن پالیسی اۉزینی گزارشیده، افغانستان کانلری عایدی‌دن القاعده گروهیگه تېگیشلی گروه‌لر فایده‌لنیشی هم معلوم قیلگن.
بو گزارش‌ده بیریلگن معلومات‌گه اساس، القاعده گروهی تخار و بدخشان ولایتلریده‌گی آلتین کانلری عایدی‌دن ۲۵ فایزینی آله‌دی و انه‌شوو باعث، میلادی ۲۰۲۲ – ییل‌دن حاضرگه قدر بو کانلر عایدی جمله‌سیدن ۱۹۴.۴ میلیون دالر القاعده گروهیگه بېریلگن.
شونینگدېک، بو گزارش افغانستان‌ده هیرویین قاچاق اېتیلیشی هم القاعده تامانیدن باشقیریلیشی ادعا قیله‌دی.
