روسیه مملکتیدن بۉلگن خبرلرگه کۉره، بو مملکت ایچکی ایشلر وزیرلیگی روسیه‌ده بۉلگن مهاجرت جریان‌نی باشقیریش خصوصیده چاره-تدبیر کورماقده.
اسپوتنیک یېتکرمه‌سی گزارشی کۉره، روسیه ایچکی ایشلر وزیرلیگی تامانیدن قۉلگه آلینیشی کوتیلگن ریجه اساسیده، روسیه‌ده بۉلگن مهاجرت مدتی ۹۰ کونگه قدر آزه‌یتیریلیشی ممکن.
شونینگدېک، روسیه ایچکی ایشلر وزیرلیگی بو مملکت‌ده چیت‌ایللیک ایشچی‌لرنی ایش‌گه آله‌یاتکن تدبیرکارلر باشقیریلشی هم کېره‌ک‌لیگینی اورغوله‌شگن.
روسیه‌ده‌گی مهاجرلرگه قرشی اوشبو چیکلاولر بو مملکت پایتختیده صادر بۉلگن اخیرگی قانلی هجوم آرتیدن قۉلگه آلینماقده. چونکه بو هجوم‌ده قۉلی بارلیگی گمان اېتیلگن کیشی‌لر تاجکستان فقراسی بۉلیب، روسیه‌ده ایش اوچون بارگن اېکن.
ایتیش کېره‌ک که اخیرگی ییل‌لر ایچیده، میلیون‌لرچه انسان اۉرته آسیا مملکت‌لریدن روسیه‌گه ایش قیدیریب بارگن.
