روسیه مملکتی نینگ دولتی یېتکرمه‌سی یاده «تاس» تامانیدن ترقه‌تیلگن گزارش‌گه اساس، بو مملکت حکومتی، طالبان نینگ روسیه تامانیدن ترورچیلیک گروه‌لر رویخطی‌دن چیقاریلیشی خصوصیده سعی‌وحرکت اېتیلماقده.
بو گزارش‌گه اساس، اوشبو مساله‌نی روسیه تشقی ایشلر و عدلیه وزیرلیک‌لری همده بو خصوصده علاقه‌دار باشقه بیرقنچه اداره‌لری، کوریب چیقماقده.
شونینگدېک، روسیه جمهور باشلیغی نینگ افغانستان بۉییچه مخصوص وکیلی ضمیرکابلوف هم روسیه بیلن طالبان آره‌سیده ترورچیلیککه قرشی کوره‌ش مقصد منتظم همکارلیکلر دوامیدن خبر بېرگن.
بوندن ایلگری، قزاقستان مملکتی هم طالبان نینگ ترورچیلیک رویخطی‌دن چیقاریش مساله‌سینی کوریب چیقیشی‌دن خبر بېرگن اېدی، بیراق بو مساله حاضرگه قدر قزاقستان حکومتی تامانیدن عملگه آشیریلگن اېمس.
دیمک، طالبان افغانستان حاکمیتیده قیتگنیدن یقین اۉچ ییل اوتماقده بۉلسه‌ده بیراق حاضرگه قدر هیچ بیر مملکت بو حاکمیت‌نی رسمی تَن آلمه‌گن و بونگه قوشیمچه طالبان حاضرهم کوپلب مملکت‌لر اینقسه بیرلشکن ملتلر تشکیلاتی نینگ ترورچیلیک بۉییچه قاره رویخطی‌ده شامل دیر.
