بیرلشگن ملتلر تشکیلاتی نینگ ایتیشیچه، هرات‌ده صادر بۉلگن اخیرگی زلزلهلردن زیان کۉرگن اونلب مینگ عایله، حاضرگچه چادرلر آستیده حیات کیچیرماقده.
بیرلشکن ملتلر تشکیلاتی نینگ انسان‌پرورلیک یاردم‌لرنی هماهنگ‌لشتیریش اداره‌سی یا ده «اوچا»، اۉتگن دوشنبه کونی، اکس اجتماعی ترماغیده یازیشیچه، هرات‌ده زلزلهلردن زیان کۉرگن ۲۴ مینگ ۸۰۰ عایله چادرلر آستیده یا که زیان ییتیشگن اوی‌لرده حیات کیچیریب و شاشلینچ یاردملر گه محتاجلر.
خبرنامه‌ده کېلیشیچه، آلتی آی آلدین هرات ده ۶.۳ بویوکلیگیده صادر بۉلگن کیتمه-کیت اوچ زلزله، ۴۰ مینگ یشش اوی نی ویران و شونینگدېک ۲۷۵ مینگ کیشی نی شاشلیچ یاردملر گه محتاج قیلگن.
اوچا نینگ ایتیشیچه، زلزلهلردن زیان کورگن کیشیلر، حاضرگچه یشش اوی‌لری نینگ قیته قوریلیشی و وقتینچه‌لیک باش‌پناه قوریلیشی اوچون شاشلینچ یاردم گه محتاجلر.
شونده‌ی بیرحالده، خلق‌ارا قاچقینلر تشکیلاتی اۉتگن دوشنبه کونی اکس اجتماعی ترماغیده، بو اداره نینگ تیم‌لری اۉتگن هفته، اۉزلری گه وقتینچه‌لیک باش‌پناه قوریشلری اوچون هرات‌ده‌گی ۸۶۹ مینگ عایله گه نقدی یاردم ترقه‌تگنی نی یازگن.
