طالبان تشقی ایشلر وزیرلیگی تامانیدن ترقه‌تیلگن بیانات‌گه اساس، بو وزیرلیک سرپرستی امیرخان متقی، مالیزیا مملکتی نینگ کابل‌گه کېلگن هیاتی بیلن اوچره‌شگن.
طالبان تشقی ایشلر وزیرلیگی نینگ سرپرستی، مالیزیا باش وزیری نینگ مخصوص وکیلی شاه زلینا ییتکچیلیگیده بۉلگن مالیزیالیک هیات‌دن، طالبان بیلن علاقه‌لرینی تورلی ساحه‌لرده یخشی‌لنتیریش‌نی خواهله‌گن.
طالبان تشقی ایشلر وزیرلیگی تامانیدن ترقه‌تیلگن بیانات‌گه اساس، مالیزیالیک بو هیات، یقین کیله‌جکده بو مملکت‌نینگ سوداگرلیک بیر هیاتی افغانستان کېلیشیدن خبر بېرگن.
شونینگدېک، مالیزیا هیاتی بو مملکت طالبان بیلن اداری، دیپلوماتیک و تکنالوژی ساحه‌لریده اورگتیش زمینه‌لرینی یره‌تیشگه همکارلیک قیلیش‌گه تیار دېگن.
ایتیش کېره‌ک که یقین اۉچ ییل‌دن بۉیان دنیا بۉیلب هیچ بیر مملکت جمله‌دن اسلامی مملکت‌لر طالبان حکومت‌نی رسمی تَن آلیش‌گه تیار بۉلگن اېمس.
