افغانستان ژورنالیست‌لری مرکزی بیر بیانات ترقه‌تیب، خوست ولایتیده طالبان تامانیدن اۉچ ژورنالیست حبس‌گه آلینگنیدن خبر بېردی.
معلومات‌گه اساس بو ژورنالیست‌لر اۉتگن دوشنبه کونی ۴ – ثور طالبان نینگ خوست ولایتیده‌گی امر بالمعروف و نهی عن المنکر ریاستی تامانیدن چقیریلیب، کیین حبس‌گه آلینگن.
بو خصوصده ترقه‌تیلگن بیانات‌گه مذکور ژورنالیست‌لردن، اسماعیل سعادت، احسان الله تسل و وحیدالله معصوم دېب آت توتیلگن که بو ژورنالیست خوست محلی یېتکرمه‌لریده ایش بجره‌دی اېکنلر.
دیمک بو ژورنالیست‌لر طالبان تامانیدن موسیقه ییشیتیش همده عیاللر بیلن قونغیراق آچیش‌گه عیب‌لنیب حبس‌گه آلینگن.
بوندن ایلگری طالبان حکومتی خوست ولایتیده‌گی رادیولرده عیاللر قونغیراق قیلیش‌نی تقیق‌لگن اېدی.
