افغانستان‌ده اۉزبېک تیل و ادبیاتی و شونینگدېک ایریم اۉزبېکانه مدنیت و بارلیکلر تورلی خیل قیینچیلیکلر بیلن یوز مه یوز بۉلیب کېلگن.
افغانستان نینگ معاصر تاریخی ایچیده، جدی همده آغیر قیینچیلیکلر و توجه‌سیزلیکلرنی باش‌دن کېچیرگن اۉزبېک تیلی، بو مملکت‌ده اۉزبېک فرهنگی‌لرینی تینمه‌ی بجرگن ایش و فعالیت‌لری باعث سقله‌نیب کېلماقده و حاضر هم تیل رواجی اوچون، فرهنگی‌لرنی چرچه‌مسدن بجریب کېله‌یاتگن فعالیت‌لریگه گواه‌میز.
دیمک، افغانستان معاصر تاریخیده، کتاب‌لری آلاو بېریلگنگه قدر حکومتی مهرسیزلیکلرگه گواه بۉلگن اۉزبېک تیلی، جمهوریت تیزیمی کمیده ۲۰ ییل‌لیک دوریده بیراز شرایط‌گه ایگه اېدی. حاضر طالبان دوریده اېسه تیل رواجی خصوصیده بۉلگن سعی‌وحرکتلر ینه بیربار خواطرلی وضعیت‌ده توشیب قالگن.
جمهوریت دوریده هم طلب‌لرگه اساس، اۉزبېکچه تیل و ادبیاتی رواجلنیشی اوچون حکومت تامانیدن اونچه‌لیک توجه قره‌تیلمه‌دی شوندی بۉلسه هم فرهنگی‌لر و تیل‌گه قیزیققن انسان‌لر جیم تورمه‌ی یوزلرچه جلد کتاب‌نی چاپ‌دن چیقاریش‌گه موفق بۉلدی‌لر.
جمهوریت دوریده حاکم بۉلگن افغانستان اساسی قانونی، اۉزبېکچه تیل و ادبیاتی رواجلنیشی اوچون بویروغ بیرر اېدی، بیراق شوندی بۉلسه هم حکومت اونچه‌لیک اۉزبېکچه رواجی اوچون حصه قوشمه‌دی و اۉزبېک تیلی اوقیتیش زمینه‌لری کوتیلگن‌دیک یره‌تیلگن اېمس.
حاضر، افغانستان حاکمیتی تیپه‌سیده تۉرگن طالبان دوریده هم اۉزبېکچه تیل و ادبیاتی نینگ احوالی انچه خواطرلی وضعیت‌ده توشیب قالگن، چونکه حاضر جمهوریت دوری کبی بیر قانون اساسیده هم طالبان حکومتی اۉزبېک تیلی برابریده اۉزینی مسوولیت‌لی حس قیلمه‌یدی.
بونگه علاوه، اۉتگن ایکی ییل ایچیده، اۉزبېکچه تیل‌وادبیاتی اوچون هم طالبان ایریم مهرسیزلیکلرنی قېلگن، طالبان نینگ اخیرگی مهرسیزلیگی؛ تحصیلات وزیرلیگی تامانیدن اۉزبېکچه و تورکچه تیل‌لریگه ترجمه قیلیش تقیق‌لنگن دیر.
بیراق، حاضر هم افغانستان اۉزبېک‌لری نینگ فرهنگی‌لری شرایط آغیرلیگیگه قره‌مسدن تیل و مدنیت رواجلنیشی اوچون قۉللریدن کېلگن ایش‌لرنی بجریب تۉرگن.
اوشبو تلاش‌لرنی اۉتگن ایکی ییل جریانیده فرهنگی‌لر تشبثی بیلن اوتکزیلگن علمی و فرهنگی ییغیلیش‌لردن کېلیب چیقیب ایتیش ممکن.
بو ییغیلیش‌لرنی اخیرگی‌سی اۉتگن جمعه کونی، ثور آیی نینگ ۷ – سی، کابل‌ده، اۉزبېکستان ایلچی‌خانه‌سیده اوتکزیلدی.
نتیجه‌ده ایتیش کېره‌ک که حاضر تیل‌میز و مدنیت‌میز اسره‌ب تۉریش اوچون یکه و یگانه کوچ فرهنگی‌لر کوچی دیر و تویغولی بو انسان‌لرنی تلاش‌لر باعث، تیل‌میز تاباره کوچه‌ییب و رواجلنیشیگه امید بېلدیریش‌میز ممکن و بو فرهنگی‌لرنی ایش‌لری حاضر تیل‌میز اوچون یالغیز امید دیر.
