ماورای کوکچه یۉلی 140 کیلومتر دن کوپراق اوزون‌لیگی بۉلیب، آی‌خانم بندرگاهی قوشیمچه، خواجه بهاءالدین، خواجه تخار، رستاق، چاه‌آب، دشت قلعه، ینگی قلعه و درقد تومن‌لرینی، تخار ولایت مرکزی تالقان شهری‌گه باغله‌یدی.
دشت قلعه یشاوچیسی بشیراحمد سنقر بو یۉل قیینچیلیکلری خصوصیده اۉزبېک تی‌وی گه ایتیشیچه:”بو اولسواللیک‌لر تخارنینگ کتته اولسواللیک‌لری دیر، نفوس کوپ همده ایکینچیلیک محصولات‌لری بار و شونینگدېک بو ییرده بندرگاه جایله‌شکن شو باعث بو یۉل‌دن باریب-کېلیش کوپ و کوپ موترلر باریب-کېلە‌دی، یۉل‌لرنی بوزوق‌لیگی ایش‌لرنی کیین‌گه تشله‌یدی.”
شونینگدېک ینگی قلعه یشاوچیسی عبدالصمد هم بو خصوصده بوندی دیدی “سیلاب بار بیر یۉلی‌میز بار که کوپ قیینچیلیک بیلن دوچ‌میز، چونکه کوپریک یۉق سیل کیلسه ایکی یا اۉچ کون یۉل باغلنیب قاله‌دی.”
تخار ولایتیده‌گی مهم یۉل‌لردن بۉلمیش بو یۉل‌نی معیاری قوریلیشی خصوصیده توجه قره‌تیلمه‌گنی، یشاوچیلر و بو یۉل یۉللاوچیلرینی جدی قیینچیلیک‌لر بیلن یوز مه یوز قیلگن و بو قیینچیلیک اېسه، یاغینگرچیلیک بۉلگن زمان جدی آغیرلشه‌دی.
تخار ولایت یشاوچیلری بو یۉل قوریلیشی اوچون مرکزی حکومت تامانیدن توجه قره‌تیلیشینی خواهله‌یدیلر.
تخار یشاوچیسی عبدالغفار صمیم نینگ ایتیشچه “سابق حکومت دوریده بو یۉل توزاتیلیشی اوچون کوپ وعده‌لر بیریلگن اېدی و حاضر هم وعده بیریلگن لیکن حاضرچه توزاتیلگن اېمس”
دیمک، بوندن ایلگری تخار ولایت محلی رسمی‌لری بو یۉل قوریلیشی اوچون کوپلب وعده‌لر بېرگن، بیراق حاضرگه قدر بو وعده‌لر عملگه آشیریلگن اېمس.
