بدخشان ولایتی نینگ ارگو و درایم اولسواللیک‌لریده بیر قنچه کون‌دن بۉیان، ناراضلیک نمایشلر یۉلگه قوییلیب، طالبان حکومتی‌گه قرشی ناراضلیکلر بیلدیریلیب کېلماقده.
حاضرگه قدر ارگو اعتراضچیلری طالبان نینگ هیاتی بیلن مذاکره قېلیش‌نی همده بو هیات تامانیدن اهالی‌گه تکلیف اېتیلگن پول‌نی رد اېتگنلر.
اۉزبېک تی‌وی بدخشان ولایتی ارگو تومنی یشاوچیلری بیلن صحبت‌گه اوتیب، اولرنی ایسته‌کلری همده طالبان هیاتی بیلن سۉزلشوولری نتیجه‌سی خصوصیده بیلگی سۉره‌دی.
بو منبع‌لرنی ایتیشیچه، بدخشان‌ده طالبان‌دن ناراض اهالی بیر قطعنامه ترقه‌تیب، طالبان‌دن بۉلگن ایسته‌کلرینی بیلدیرگن.
بو اهالی نینگ مهم ایسته‌کلری قوییده‌گی موضوع‌لردن عبارت دیر:
1. قصاص
بدخشان ولایتی اهالیسی نینگ بیرینچی مهم ایسته‌گی، اولرنی ناراضلیک نمایش‌لری جریانیده جان بېرگن کیشی‌لرنی، اوققه توتیب اۉلدیرگن طالبان حربی‌لری خلق قۉلیده تاپشیریلیشی و اعدام اېتیلیشی دیر.
بدخشان‌دن بۉلگن محلی منبع‌لردن بیرینی اۉزبېک تی‌وی گه ایتیشیچه: “اهالی قطعنامه‌سیده طالبان‌گه یازگن که اگرده اۉزلرینگنی عادل حکومت بیله‌سیلر؟ شو بیزدن بی‌گناه اۉلدیریلگن ایکی کیشی قاتل‌لری بیزنی قۉلیمیزگه تاپشیریلسین. تا که بیز بیله‌یلیک که حکومت بیزگه هم توجه قره‌تدی.”
2. منطقه‌دن پشتون‌لر چیقیشی
ارگو و درایم اولسواللیک‌لرینی یشاوچیلری بو اولسواللیکلر محلی حکومت‌لریده بۉلگن پشتون‌لر چیقاریلیشی و اۉرنیده محلی حکومت منطقه مردمی اختیاریده بېریلیشینی خواهله‌گن.
3. بدیل ایکین
بدخشان ولایت بو ناراض اهالیسی، طالبان‌دن تریاک اۉرنیده اولرگه بدیل ایکین یاده قشاق‌لیک وضعیت‌لریده باشقه بیران چاره کوریلیشینی سۉره‌گن.
بو اهالی‌گه کۉره، قشاق‌لیک و بدیل ایکین بۉلمه‌گنی و حکومت توجه‌سیزلیکلر باعث روزغارلرینی تیبره‌تیش اوچون تریاک ایکیش‌گه مجبور.
اولرنی آرتیق‌لشیچه، آغیر اقتصادی وضعیت‌لریگه توجه قره‌تیلیب، طالبان، حکومت اوله‌راق اۉز بورچ‌نی اهالی نینگ قشاق‌لیک وضعیتی همده ایکینچیلیک‌لری خصوصیده توجه قره‌تگن تقدیرده، اولر تامانیدن تریاک ایکیلمه‌یدی.
بو اعتراضچیلرنی ایتیشیچه: “تریاک بوزیلگن تقدیرده بیران بدیل اهالی‌گه بېریلسین تا بو اهالی باله‌لری بیلن تیریک قالسه، بیز مجبورلیک‌دن تریاک ایکیش‌گه یوز کېلتیرگن میز بولمسه آچلیک‌دن جان بېره‌دی اهالی، اگرده حکومت بۉلسه بیزگه توجه قره‌تسه بیز اوزیمیز تریاک ایکیش‌دن بیزار میز.”
4. ناراضلیک نمایشلر
بو اعتراضچیلر اهالی اوستیده ظلم بۉلگن تقدیرده دادخواه‌لیک قېلیش اوچون اولرگه رخصت بېریلیشینی سۉره‌گن و اورغولشلریچه اهالی نینگ عدالت سۉره‌ب یۉلگه قویگن ناراضلیکلری یامان یانده‌شووو بیلن جواب بېریلمسلیگینی سۉره‌گن.
بدخشان‌لیک اعتراضچیلر بو ایسته‌کلریگه ییتیشیلمه‌گونگه قدر ناراضلیکلرینی دوام بېریشلرینی اورغوله‌یدلر.
