فاریاب ولایتی، پشتونکوت تومنی و عربآقسای منطقه سی نینگ تانیقلی و مزه لی قاوون لری اوشبو ولایت بازار لریده اوزیگه خاص شهرتگه ایگه، بیراق بو ییل اوشبو قاوون لر هلیگچه بازار ده ییتیب کیلمهگن. شو باعث بیز عرب آقسای منطقه سیده باریب قاوون پالیز لر ییتیشتیرهیاتگن دهقانلر بیلن صحبت لشدیک.
بو منطقه دهقانلریدن بۉلمیش عبدالستار بو ییل حاصلاتلرd توغریسیده بوندی دیدی: “عرب آقسایده ایریم پالیزلرنی حاصلاتی یخشی و ایریم پالیزلر اېسه مزه یۉق، حکومت بۉلسه و توجه قیلیب، دارو یاردم بېرسه بو آفتلرنی بیراز آلدینی آلهدی، نیچه کون ایلگری باریب دارو آلدیم ایکی مینگ افغانی بۉلدی.”
عربآقسای دهقانلریدن بیری محمدهاشم نینگ ایتیشیچه، پالیزلرگه قورت آفتی یانیده سیلاب لر هم کته خساره ییتیشتیرگن چونکه بار یوق سوو توغانلرینی بوزوب کیتگن و اهالی نینگ هم اېسه اقتصادی وضعیتی یامان بولگنی سبب بو بند لرنی توزه تیشگه قادر ایمس لر.
محمدهاشم نینگ کۉپهیتیریشیچه: “بو ییل ییرلریمیزنی سیل باسدی، شوندی بۉلسه هم پالیزلرنی حاصلاتی انچه یخشی، بو ییل کېلگن سیل سوو توغانینی آلیب کیتدی، بو توغاننی قوریش کۉپ قییند چونکه خرجتی کۉپ، دولت بیزنی وضعیتمیزگه توجهسی یۉق، بیران یاردم بېرمهیدی.”
بو منطقه دهقانلریدن یینه بیری، علی محمد که یاشلیگیدن بیری دهقانچیلیک بیلن شغلنهدی بو منطقه ده 15 ییل ایلگریدهگی پالیز لر و حاضر که پالیز لر توغریسیده بوندی دیدی “ایلگری دهقانچیلیکلر کۉپ یخشی اېدی، ایلگری سبزهک و گرگک دیک قاوونلرگه عرب آقسای بیرینچی اېکن، همه جایدن کۉره شیرین قاوونلری بار اېکن، حاضر عرب آقسای محصولاتلری کیینگه قالگن.”
عرب آقسای اهالیسی نینگ یینه بیر کته قیینچلیگی کشت و زار لریده سوو یۉقلیگی دیر و بو اهالی نینگ ایتیشلریچه اگر ده بو لرنی ییر لریده سوو بۉلگن حالده شمالی ولایت لرده قاوون ییتکزیش لری ممکن.
