سرپل ولایتیدن بۉلگن محلی منبع‌لرنی اۉزبېک تی‌وی گه ایتیشیچه بو ولایت‌ده سابق حربی‌لردن بۉلمیش بیر کیشی اۉز اویی‌ده اۉلدیریلگن.
اۉزبېک تی‌وی اختیاریده قوییلگن معلومات‌گه اساس بو واقعه‌ده قربان بۉلگن عزت الله ناملی کیشی مارشال عبدالرشید دوستم رهبرلیگیده‌گی جنبش حزب نینگ حربی‌لریدن ایکن.
عزت الله افغانستان‌ده یوز بېرگن سیاسی اوزگریش‌دن کیین ایران‌گه بدرغه بۉلیب کېتگن ایکن، بیراق بیر نیچە وقت ایلگری ایران حکومتی تامانیدن چیقاریلیب، افغانستان‌گه قیتیش‌گه مجبور بۉله‌دی.
سرپل ولایتیدن بۉلگن منبع‌نی ایتیشیچه سرپل ولایتی سوزمه قلعه اولسواللیگی نینگ سبزکلان منطقه‌سی یشاوچیسی بۉلمیش عزت الله طالبان تامانیدن اۉلدیریلگن.
بیراق طالبان بو توغریده حاضرگه قدر فکر بیلدیرگن اېمس.
