افغانستان تورک عیاللری بیردم‌لیک ترماغی‌ده فعال عیاللر، آچیق بیر مکتوب ترقه‌تیب، سیاسی، اجتماعی و اقتصادی جریان‌لرده اولرنی اۉرینی نظرگه توتیلیشینی سۉره‌دیلر.
اوشبو عیاللرنی تاکیدلشیچه، افغانستان‌ده عیاللرنی قولب-قوتلش و ظرفیت‌لرینی کوچه‌یتیریش مقصد بۉلگن لایحه‌لر همده سیاسی جریان‌لر و بحث‌لر خاص بیر ملیت‌گه تېگیشلی کیشی‌لر تامانیدن انحصار اېتیلگن.
اولرنی ایشانچ‌گه کۉره، حاضر بیر قنچه کیشی‌لر باشقه تامان‌لر اینقسه افغانستان‌لیک تورک عیاللرنی چیت‌گه اوریش اوچون سعی‌وحرکت قیلماقده دیر.
عینی حالده افغانستان‌لیک تورک عیاللری بو آچیق مکتوب‌لریده، افغانستان عیاللرینی حقلری انحصار اېتیلیش‌نی ایریم تشکیلات‌لر هم بیلیب-بیلمه‌ی حمایه قیلماقده دیگنلر.
افغانستان تورک عیاللری اولرنی آره‌سیده تورلی ساحه‌لرده ایش بیلرمان همده یوقاری ظرفیت‌لی کیشی‌لر بارلیگینی بیلدیریب، شو باعث اولر هیچ قندی بیر جریان‌ده چیت‌ده قالمسلیکلرینی تاکید قیلگنلر.
باشقه بیر تاماندن، افغانستان تورک عیاللری اوشبو آچیق مکتوب‌لریده، اولرنی حقلری و اۉرین‌لری نظرگه توتیلمه‌ی، عیاللر حقلری انحصار اېتیلگن تقدیردە، خاتین-قیزلرنی انسانی حقلرینی قیتریش اوچون بۉلگن سعی‌وحرکتلر اوستیده سلبی تاثیر قویه‌دی دیب بیلدیرگنلر.
