طالبان حاکمیتی آستیده بۉلگن افغانستان خاتین-قیزلری حاضر دستلبکی انسانی حقلریدن محروم دیر.
حاضر افغانستان خاتین-قیزلریدن، اوقیش و ایش حقی آلینگن و شونینگدېک افغانستان جماعهسی نینگ یریمی بیران دَم آلیش پارکلریده دَم آلیش مقصد باریشگه و سپورت قیلیشگه و شونگه اوخشش کۉپلب عادی ایشلرگه رخصتلری یۉق دیر.
بو چیکلاولر افغانستان خاتین-قیزلرینی اویلرده سقلنیب قالیشیگه باعث بۉلیب کۉپلب قیزلرنی، جبری تورموشگه چیقاریلیشیگه مجبور قیلگن.
خلقارا تشکیلاتلر تامانیدن نشر اېتیلگن گزارشلرنی بیلدیریشیچه، قیزلرنی اوقیش و ایشدن محروم اېتیلیشی اولرنی روحی کسللیکلرگه چلینتیرگن و شوباعث افغانستان نینگ هر بیر چیککهسیده کۉپلب خاتین-قیزلر اخیرگی اوچ ییل ایچیده اۉزلرینی اۉلدیریشگه قرار قیلدیلر.
بونگه علاوه، خلقارا گزارشلر افغانستانده عایلهلری، اویده تقدیرسیز قالگن قیزلرینی جبری حالده تورموشگه چیقاریشگه مجبور بۉلگنینی خبر بېریب، اوشبو وضعیت اخیرگی اوچ ییل طالبان دوریده کۉپهیگنیدن خواطر بیلدیرگن.
بو خواطرلر دوامیده یقینده، خلقارا انسان حقلرینی کوزهتووچی تشکیلاتی بیر گزارش نشر قیلیب، اخیرگی اوچ ییل ایچیده طالبان تامانیدن دنیاده مثالی بۉلمهگن انسان حقلری نقض اېتیلیشی دوام اېتماقده دیگن.
اوشبو وضعیت باعث افغانستان خاتین-قیزلری بوکونلرنی کابوسلر بیلن باشدن کیچیریشنی معلوم قیلگن.
