تورکستان و قطغن افغانستان اۉزبېک جماعه‌سی نینگ بومی منطقه‌لری دیر و اوشبو منطقه‌ده‌گی اقتصادی منبع‌لر جمله‌دن سوو، ایکینچیلیک مول حاصلاتلری و کانلر کتته عاید منبع‌لری حسابلنه‌دی.
طالبان افغانستان حاکمیت‌نی قۉلگه آلگنیدن کیین افغانستان بۉیلب کانلرنی چیقاریش‌نی و اوندن عاید قۉلگه کېلتیریش‌نی کۉپه‌یتیرگن.
بو آره‌ده طالبان تامانیدن کۉپلب تورکستان و قطغن کانلری چیقاریلماقده و حاضر طالبان سمنگان و سرپل ولایتلری نینگ تاش کومیر کانلری، سرپل، جوزجان و فاریاب نینگ تیل و توز کانلری همده تخار نینگ آلتین کانلرینی کیینگ کولمده چیقاریب و اوندن عاید قۉلگه کېلتیرماقده.
طالبان یالغیز سرپل ولایتیده جایله‌شگن قشقری تیل کانلریدن کونیده ۶۰۰ مینگ دالر عاید آله‌دی.
طالبان تامانیدن ییل بودجه‌سی یاشیرین قالگن بیرحالده بو عایدلرنی قنچه‌سی اوشبو تورکستان و قطغن ولایتلرینی اۉزی اوچون ایشله‌تیلیشی بیللی اېمس و بو کانلر قنچه‌لیک بو ولایتلر اهالیسی اوچون ایش زمینه‌سینی یره‌تگنی هم معلوم اېمس دیر.
