بیرلشکن ملتلر تشکیلاتی باش کاتبی آنتونیو گوتریش نینگ ینگی گزارشیده کېلیشیچه، افغانستانده ترورچیلیک تهدیدلری حاضرهم خوفلی بیر حالده موجود دیر.
اوشبو گزارش کۉپینچه داعش و القاعده تهدیدلری توغریسیده قرهتیلگن.
بیرلشکن ملتلر تشکیلاتی خوفسیزلیک کېنگشی تامانیدن نشر اېتیلگن بو گزارشگه اساس، داعش گروهی افغانستاندهگی جنگریلریگه چیتایل مملکتلری اوستیده هجوم اویوشتیریشلرینی بویروغ بېرگن.
شونینگدېک افغانستاندن باشقیریلیب تورگن داعش، اروپا و باشقه مملکتلر اوچون ییریک بیر تهدید دیب بیلدیریلگن، بیرلشکن ملتلر تشکیلاتی خوفسیزلیک کېنگشی تامانیدن نشر اېتیلگن بو گزارشده.
بیرلشکن ملتلر تشکیلاتی باش کاتبی، اۉزی نینگ ینگی گزارشیده، طالبان بیلن القاعده و پاکستان طالبان تحریکی یا ده «تیتیپی» آرهسیدهگی چوقور علاقهلرنی بیلدیرگن.
ایتیش کېرهک که طالبان، افغانستانده هیچ قندی بیر گروه فعالیتی اوچون رخصت یۉق دېب اورغولب کېلماقده، بیراق خلقارا همجمعیتی طالبان بو سۉزلریگه اونچهلیک ایشانچ کۉرسهتمهگن.
