بیرلشکن ملتلر تشکیلاتی نینگ خوفسیزلیک کېنگشی‌ده، افغانستان خصوصیده بۉلگن ییغین، بوگون آقشم ۲۸ – سنبله، کابل وقتی بیلن ساعت ۶:۳۰ دقیقه‌ده اۉتکزیلیشی ریجه‌لشتیریلگن.
بو ییغین‌ده افغانستان وضعیتی، اینقسه بو مملکت انسان حقلری آغیر احوالی تیکشیریلیشی کوتیله‌دی.
شونینگدېک بو ییغین‌ده، افغانستان وضعیتی تۉغریسیده، بیرلشکن ملتلر تشکیلاتی باش کاتبی نینگ افغانستان‌ده مخصوص وکیلی روزا اوتنبایوا هم گزارش ارایه قیله‌دی.
ایتیش کېره‌ک که بیرلشکن ملتلر تشکیلاتی اخیرگی اوچ ییل‌ده، کۉپلب بو کبی ییغین‌لر بیلن افغانستان وضعیتنی تیکشیرگن، بیراق بو ییغین‌لر افغانستان‌ده وضعیت اوزگریشی اوچون اونملی نتیجه‌سی بۉلمه‌گنی تنقیدلرنی اورته‌گه آلیب کېلگن.
