فاریاب ولایتیده ایکی عیال و بیر ایرکک طالبان محلی رسمیلری آرقهلی، عامه حضوریده دُرهلنگن.
طالبان تامانیدن بېریلگن معلوماتگه کۉره، بو کیشیلر بوگون یکشنبه،۲۷ – عقرب، فاریاب ولایتی نینگ پشتونکوت و دولتآباد اولسواللیکلریده جزالنگن.
طالبان ادعا قیلیشیچه، بوگون جزالنگن ایکی عیال اویدن قاچیش همده زناگه عیبلنگن اېکن که اولر عامه حضوریده جزالنیشی حکم قیلینگن.
شونینگدېک طالبان بیر ایرککنی هم بیر عیالنی اویدن قاچیریشگه عیبلب جزالهگن.
طالبان محلی رسمیلری مذکور کیشیلرنی هر بیریده ۳۹ دُره اۉرگنی یانیده، اولرنی بیر الی ایکی ییل قماققه هم محکوم قیلگن.
