تخارلیک فعاللردن بۉلمیش حامد قرلق کمیده بیر هفتهدن بیری، طالبان آرقهلی محبوس اېتیلگن.
دېیرلی حاضرگه قدر بو فعال قندی تقدیر بیلن یوز مه یوز بۉلگنی بیللی اېمس و تخار ولایتیده طالبان محلی رسمیلری هم بو تۉغریده بیران نرسه دېمهگن.
اۉزبېک تی وی اوتکزگن منبعلرینی ایتیشیچه، بو فعال نینگ عایله اعضاسی بوگون بیر مراتبه قرلقنی کۉریشگه موفق بۉلگن، بیراق حاضرگه قدر قچان آزاد اېتیلیشی بیللی اېمس.
حامد قرلق نینگ عایلهسی بو فعال تقدیری تۉغریسیده طالبان بیران معلومات بېریشی و قضیهسی محکمهگه تاپشیریلیب اونگه بیران قرار آلینیشینی کوتیب تورگن.
ایتیش کېرهک که تخارلیک بو فعال بو ولایتده بۉلگن مدنی فعالیتلری سبب طالبان تامانیدن قۉلگه آلینگن اېدی.
طالبان قرلق نینگ عایلهسینی هم اوچرهشیش اوچون رخصت بېرمهگنی خبر قیلینماقده دیر
