جمعی خوفسیزلیک کېلیشووی تشکیلاتیگه اعضا مملکتلر رهبرلری نینگ نوتبدهگی ییغینی بوگون پنجشنبه، ۸ – قوس، قزاقستان مملکتی نینگ آستانه شهریده بۉلیب اوتهدی.
بو خصوصده نشر اېتیلگن خبرلرگه کۉره، مذکور ییغین بحثلریدن بیری افغانستان خوفسیزلیک وضعیتی دیر.
جمعی خوفسیزلیک کېلیشووی تشکیلاتی نینگ باش کاتبی ایمانقلی تاسماگامبیتوف روسیهلیک تاس یېتکرمهسی بیلن اۉتکزگن صحبتلریده ایتیشیچه، تاجکستان و افغانستانارا چیگرهنی کوچلنتیریش بو ییغینده بحث اېتیلیشی کوتیلگن مهم موضوعلردن بیری دیر.
دیمک جمعی خوفسیزلیک کېلیشووی تشکیلاتی افغانستاندن بۉلگن ترورچیلیک تهدیدلرگه قرشی کورهش مقصد، افغانستان و تاجکستان آرهسیدهگی چیگرهنی کوچلنتیریشگه اولگورماقده دیر.
