بیرلشکن ملتلر تشکیلاتی خوفسیزلیک کېنگشی افغانستان خصوصیده ینگی بیر ییغین اۉتکزیشی خبر قیلیندی.
بیرلشکن ملتلر تشکیلاتی تامانیدن بو خصوصده نشر اېتیلگن بیانات‌گه کۉره، بو ییغین جاری دسمبر آیی جریانیده اۉتکزیله‌دی.
ایتیلیشیچه بو ییغین‌ده، افغانستان نینگ اخیرگی اوچ آی ایچیده‌گی وضعیتی تیکشیریله‌دی.
بو خصوصده بېریلگن معلومات‌لرنی بیلدیریشیچه، مذکور ییغین‌ده بیرلشکن ملتلر تشکیلاتی نینگ تورلی اداره‌لری افغانستان وضعیتیدن تیارله‌گن گزارشلرینی ارایه قیله‌دیلر.
دیمک بیرلشکن ملتلر تشکیلاتی اخیرگی اوچ ییل ایچیده کۉپلب بو کبی ییغین‌لرنی یۉلگه قویگن.
