طالبان اۉتگن هفته جریانیده ینگی بیر قرار آلیب، افغانستان‌ده طبی انستیتوت‌لرنی هم قیزلر برابریده باغله‌دی و بوندن کیین افغانستان قیزلری ساغلیق بولیملریده هم تحصیل آلیشی‌گه رخصتی یۉق دېب اعلام قیلدی.
طالبان بو قراری ایچکی و خلق‌ارا مناسبت‌لرگه باعث بۉلدی که اوشبو مناسبت‌لر هلی هم دوام اېتیب کېلماقده دیر.
فرانسه و ناروی مملکتلری نینگ تشقی ایشلر وزیرلیکلری طالبان قرارینی قاره‌له‌گن. بو جمله‌دن ناوری مملکتی اوشبو قرار باعث اسلوده‌گی افغانستان ایلچی‌خانه‌سی طالبان‌گه تاپشیریلمه‌یدی دېگن.
شونینگدېک امریکا قوشمه ایالتلری نینگ افغانستان عیاللری بوییچه مخصوص وکیلی رینا امیری هم یقین‌ده بیلدیرگن مناسبتیده، طالبان بو قرارینی عیاللر برابریده کتته تهدید بیان قیلگن.
بو حقده‌گی باشقه بیر واکنش‌ده، اروپا اتفاقی پارلمانی نینگ اعضالریدن بیری هانا نیومن، طالبان بو قرارینی جنسیت‌گه اساس آپارتاید دېب بهاله‌گن.
