افغانستان ملی اسلامی جنبش حزبی نینگ رهبری مارشال عبدالرشید دوستم، افغانستان‌نی قوتقریش اوچون ملی قوریلتای سیاسی جریانی موجودیت‌نی اعلام قیلیش مقصد اۉتکزیلگن آنلاین ییغین‌ده نطق سۉزلب، افغانستان قوتقریلیشی اوچون سعی‌وحرکت قیلیشی‌دن خبر بېردی.
مارشال دوستم بو خصوصده اۉزی اوچون هیچ قندی امتیاز کوتمس‌لیگینی تاکیدلب ایتیشیچه: “افغانستان خلقی‌گه ایشانچ بیره‌من که کیله‌جکده بیران امتیاز اۉزیم اوچون کوزگه توتمه‌ی، افغانستان‌نی قوتقریش اوچون یاش‌لر یانیده توره‌میز و هیچ قندی سعی‌وحرکت‌دن باش تارتمه‌یمیز.”
شونینگدېک مارشال دوستم، رهبریتی‌ده بۉلگن جنبش حزبی نینگ ۳۲ ییللیک تاریخ‌نی ایسلب، بو ییللر ایچیده هر دایم کوره‌شیب کېلگن و بو کوره‌شیش دوام اېتە‌دی دیب بیلدیردی.
عینی حالده مارشال دوستم، افغانستان‌ده قیزلر اوقیش‌دن تقیق‌لنیشی اینقسه یقین‌ده، طالبان تامانیدن طبی اوقیش‌لر قیزلر یوزی‌گه یاپیلگنیدن هم، خواطر بیلدیردی.
