طالبان مدافعه وزیرلیگی بو گروه حربی کوچلری، دیورند چیزیغی اطرافیدهگی پاکستان توپراغیگه عملیات قیلگنینی ادعا قیلدی.
طالبان بو حربی عملیاتده، افغانستانگه قرشی ناتینچلیکلرگه قۉل اۉریب تورگن گروهلر نشانگه آلینگنینی تاکید قیلگن.
طالبان مدافعه وزیرلیگی سۉزلاوچیسی عنایت الله خوارزمی اۉزی نینگ ایکس صحیفهسیده بو حقده یازیشیچه ” افغانستانگه قرشی فعالیت بجریب تورگن عنصرلر برابریده دیورند چیزیغی او تامانیدهگی بیر نیچه نقطه اوستیده، قصاص آلیش مقصد مملکت جنوب شرقی قسمیدن هجوم اۉیوشتیریلدی.”
دیمک بوندن ایلگری، طالبان و پاکستان چیگره کوچلری آرهسیده، پکتیا و خوست ولایتلریده جایلهشگن چیگره حدودلرده، اوروش باشلنگنی خبر قیلینگن اېدی.
طالبان مدافعه وزیرلیگی سۉزلاوچیسی ترقهتگن بیاناتیده، بو تۉقنهشوو عاقبتیده اورتهگه کېلگن قربانلیکلر حقیده بیلگی بېرمهگن. بیراق بوندن ایلگری ایرم یېتکیرمهلر بو اوروشلر عاقبتیده ایکی تاماندن بیر قنچه کیشی اۉلیب و یرهلنگنینی خبر بېرگن اېدی.
