خلقارا ساغلیقنی سقلش تشکیلاتی، غزه شمالیده جایلهشگن «کمال عدوان» کسلخانهسی، اسراییل هجومی عاقبتیده بوتونلهی بوشهتیلگنیدن خبر بېردی.
دیمک اسراییل کوچلری بوندن ایلگری بو کسلخانه اوستیده حربی عملیات باشلهگنیدن خبر بېرگن اېدی.
خلقارا یېتکیرمهلر تامانیدن نشر اېتیلگن خبرلرگه کۉره، اسراییل کوچلری کمال عدوان کسلخانهسیدن کمیده ۲۴۰ کیشینی قۉلگه آلگن.
ایتیلیشیچه اسراییل کوچلری تامانیدن قۉلگه آلینگن بو شخصلر، حماس گروهیگه اعضالیککه عیبلنیب اوشلنگن و اسرییل بو کیشیلر جملهسیدن ۱۵ کیشی، اسراییلگه قرشی ۷ – اکتبر هجومی اۉیوشتیریلیشیگه، حصهسی بار دېب متهم قیلگن.
اسراییل شوندی بیرحالده، کمال عدوان کسلخانهسی اوستیده حربی عملیات بجردی که بو عملیات خلقارا تنقیدلرنی هم اۉرتهگه آلیب کېلدی.
دېیرلی اسراییل بو کبی تنقیدلرگه قرهمسدن، حماس گروهی اعضالری بارلیگی گمانی بیلن کۉپلب کسلخانه و مکتبلر کبی عامهوی فایدهلنیش مکانلر اوستیده هجوم قیلگن.
