افغانستان بویلب ترافیکی حادثه‌لر خواطرلی بیرحالده کۉپه‌یگنی دوامی‌ده، فاریاب و لغمان ولایتلری، اۉلیملی ترافیکی حادثه‌لرگه گواه اېدی.
فاریاب ولایتیدن نشر اېتیلگن معلومات‌لرگه کۉره، بو ولایت نینگ دولت آباد اولسواللیگیده یوز بېرگن یۉل حادثه‌سی عاقبتیده، ایکی کیشی اۉلیب و باشقه اۉن کیشی یره‌لنگن.
اۉتگن آقشم یوز بېرگن بو واقعه‌ده، قربان بۉلگنلردن بیری ۱۸ یاشر بیر قیز بۉلگنی معلوم قیلینماقده دیر.
عینی حالده، طالبان نینگ لغمان ولایتیده‌گی محلی رسمی‌لری هم، بو ولایتده اۉلیملی یۉل حادثه‌سی، یوز بېرگنیدن خبر بېردی.
بوگون توش‌دن ایلگری یوز بېرگن بو واقعه‌ده، ۵ کیشی اۉلیب و ینه ۱۷ کیشی یره‌لنگن.
باشقه بیر تاماندن، بغلان ولایتیده هم بوگون توش‌دن ایلگری یوز بېرگن یۉل حادثه‌سی عاقبتیده بیر کیشی اۉلیب و ینه آلتی کیشی یره‌لنگن.
