طالبان نظارتی آستیده بۉلگن افغانستان مرکزی بانکی، اۉزی نینگ ویب سایتیده بیر بیانات نشر قیلیب، تورکلر تامانیدن بو بانک ایشلاوچیلریگه بانکدارلیک مسالهلرینی اۉرگتیش سمیناری باشلهنگنیدن خبر بېردی.
افغانستان مرکزی بانکی نینگ اعلام قیلیشیچه، اوچ کونلیک بو سمینار تورکیه بانکلری بیرلشمهسی تامانیدن باشلهنگن.
بو حقده افغانستان مرکزی بانکی بیاناتیده کېلیشیچه “بو بیرلشمه بوگون اسلامی بانکدارلیک، ریسکلرنی باشقیریش، شریعتگه اساس محصولاتلر و شونگه اوخشش بیر قنچه مسالهلرگه قرهتیلگن اوچ کونلیک سمینارنی افغانستان مرکزی بانکی نینگ ایشلاوچیلری اوچون باشلهدی.”
تورکیه شوندی بیرحالده طالبان بو خصوصده همکارلیک قیلماقده دیر که افغانستانده جمهوریت حکومتی قولهگنیدن بویان، مملکت بانکی تیزیمی نرمال حالتیگه قیتمهگن.
