پاکستان مدافعه وزیری خواجه آصف ینگی سۉزلریده، پاکستان و طالبان آرهسیده تیتیپی مسالهسی تۉغریسیده بۉلگن بحثلرنی آچیقلگن.
پاکستانلیک «جیونیوز» بیلن اۉتکزگن صحبتلریده، نطق سۉزلهگن خواجه آصف، طالبان پاکستاندن تیتیپی افغانستان باشقه ولایتلریگه انتقال بېریلیشی اوچون پول سۉرهگنینی بیلدیرگن.
خواجه آصفگه کۉره، طالبان بو حقده پاکستاندن انیق ۱۰ میلیارد روپیه سۉرهگن اېکن.
پاکستان بو پولنی بېریشگه تیار بۉلگن، بیراق بو بارهده طالباندن ضمانت سۉرهگن که حاضرگه قدر طالبان بو ضمانتنی بېریشگه تیار بۉلمهگن.
ایتیش کېرهک که بوندن ایلگری، طالبان تیتیپی اعضالرینی افغانستان باشقه منطقهلری اینقسه تورکستان و قطغن ولایتلریگه انتقال بېریلیشی خصوصیده سعیوحرکت قیلماقدهلیگی معلوم قیلینگن اېدی.
