وال‌استریت ژورنال بوگون آقشم سه‌شنبه، ۱۸ – جدی بیر گزارش نشر قیلیب، جوبایدن حکومتی و طالبان آرهسیده مذاکره‌لر باشله‌نگنیدن خبر بېردی.
بو گزارش‌گه کۉره، طالبان امریکالیک اوچ محبوس آزاد اېتیلیشی اوچون گوانتانامو قماقخانهسیدهگی محبوس و القاعده سابق رهبری اسامه بن لادن یقینلریدن بۉلگن، بیر کیشی آزاد اېتیلیشینی طلب قیلگن.
دیمک محمدرحیم افغانی ناملی بو شخص امریکا تامانیدن آزاد اېتیلگن تقدیرده، طالبان هم جورج گلزمن، رایان کوربت و محمود حبیبی ناملی امریکالیک اوچ محبوس‌نی آزاد قیله‌دی.
دېیرلی امریکالیک بو اوچ کیشی میلادی ۲۰۲۲ – ییلی، افغانستان‌ده طالبان تامانیدن قۉلگه آلینگنی خبر قیلینگن اېدی.
بوندن ایلگری طالبان سۉزلاوچیسی ذبیح الله مجاهد بو حاکمیت تامانیدن امریکالیکلر قۉلگه آلینگنینی تصدیق‌لگن اېدی. بیراق حاضرگه قدر القاعده سابق رهبری ایمن الظواهری کابلده اۉلدیریلگنی آرتیدن اوشلنگن محمود حبیبی قماقده‌لیگی، انیق طالبان سۉزلاوچیسی تامانیدن تصدیق‌لنگن اېمس.
