خلقارا یېتکیرمهلر غزه اوروشی نینگ ایکی تامانی بۉلمیش حماس گروهی و اسراییل قانلی بو اوروش تۉختهتیلیشی اوستیده موافقت قیلگنیدن خبر بېردی.
آسوشیتدپرس یېتکیرمهسی تامانیدن بو حقده نشر اېتیلگن گزارشنی بیر بۉلیمیده کېلیشیچه “واسطهچیلر حماس و اسراییل غزهده آتیش-کېسین تامینلنیشی و ۱۵ آیدن بیری دوام اېتیب کېلگن غزه اوروشی تۉختهتیلیشی خصوصیده موافقت قیلگنیدن خبر بېردی. بو بیلن اولر غزهدهگی اۉلیملی اوروش و دشمنلیک یکونلنیشی احتمالنی کوچهیتیردیلر.”
اوشبو گزارشگه کۉره، اسراییل و حماس گروهی آرقهلی اسیرلر آزاد اېتیلیشی کیلیشوونینگ باشقه بیر بۉلیمی دیر.
حاضرگه قدر بو کیلیشوو رسمی بیر کۉرینیشده اعلام اېتیلگن اېمس.
عینی حالده، امریکا قوشمه ایالتلری نینگ جمهور باشلیغی دونالد ترامپ اسیرلر آزاد اېتیلیشی خصوصیده کیلیشوو قۉلگه کېلگنیدن خبر بېرگن.
