امریکا قوشمه ایالتلری نینگ جمهور باشلیغی جوبایدن، افغانستانده دوام اېتیب تورگن آغیر انسانی وضعیت خصوصیدهگی بویروغ، ینه بیر ییلگه قدر اوزهیتیریلیشی اوچون قرار آلگن.
دیمک «افغانستان آغیر انسانی وضعیتیگه تیگیشلی ملی شاشیلینچ» نامی آستیدهگی بویروغ، میلادی ۲۰۲۲ – ییلی فبروری آیی نینگ ۱۱ – کونی، امریکا جمهور باشلیغی تامانیدن تصدیقلنگن اېدی.
بو بویروغ اساسیده، امریکا قوشمه ایالتلری افغانستان آغیر انسانی وضعیتیگه ییتیشیشگه اولگوریب، بو بیلن افغانستان بو وضعیتیدن کېلیب چیققن خوفسیزلیک خواطرلرینی آلدینی آلیشی کېرهک دیر.
امریکا قوشمه ایالتلری جمهورلیک ریاست سرایی، بو بویروغ تمدید اېتیلگنیدن خبر بیریب یازیشیچه، “خلقارا سیاست و خوفسیزلیک اوچون سلبی تاثیری بۉلگن افغانستان آغیر انسانی وضعیتی هلی هم دوام اېتماقده دیر.”
ایتیش کېرهک که افغانستان اخیرگی ییللر طالبان حاکمیتیده، جدی آغیر انسانی وضعیتلرنی باشدن کیچیرماقده دیر.
حاضر افغانستان جمعیتی جملهسیدن کۉپینچهسی، جدی آچلیک و شونگه اوخشش باشقه بیر قنچه قیینچیلیکلر و چیکلاولر بیلن یوز مه یوز دیر.
