اسراییل و حماس آرهسیدهگی آتیش-کېسین کیلیشووی اېرته یکشنبه کونی، ۱۹ – جنوریدن باشلب عملگه آشیریلیشی کوتیلهدی.
دېیرلی بو کېلیشوو عملگه آشیریلیشی باشلهنیشی بیلن اسراییل تامانیدن کمیده ۷۰۰ فلسطینلیک اسیر آزاد اېتیلهدی. شونینگدېک حماس گروهی هم اۉنلرچه اسراییللیک اسیرلرنی آزاد اېتیشی معلوم قیلینگن.
ایتیش کېرهک که غزه آتیش-کېسین کیلیشووی اوچ باسقیچده عملگه آشیریلیب، بو باسقیچلر آتیش-کېسین تامینلنیشی و اسیرلر آزاد اېتیلیشی، غزه نینگ بدرغه بۉلگن اهالیسی قیتیشی اوچون زمینه یرهتیلیشی و غزه آبادانچیلیگی اوچون توجه قرهتیلیشیدن عبارت دیر.
دیمک بو آتیش-کېسین ۱۵ آیلیک قانلی اوروشدن کیین عملگه آشیریماقده دیر که اوشبو اوروش و تۉقنهشوو عاقبتیده ۵۰ مینگدن آرتیق فلسطینلیک جان بېردی و کمیده ۱۱۰ مینگ هم اېسه یرهلنگن.
عینی حالده، فلسطین رسمیلری جملهدن خودگردان تشکیلاتی غزه باشقیریشنی بوتونلهی قۉلگه آلیش اوچون تیار اېکنینی هم اعلام قیلگن.
