اۉزبېک تی‌وی اختیاریده قوییلگن معلومات اساسیده، افغانستان سابق سیمالریدن شکل‌لنگن، ملی گفتمان مجمع‌سی، تورکیه‌ده جاری میلادی آی ایچیده، افغانستان‌گه عاید مهم بیر ییغین اۉتکزه‌دی.
بو مجمع رهبرلیک اعضالریدن بیری نینگ اۉزبېک تی‌وی گه ایتیشیچه، اوشبو ییغین‌ده افغانستان تورلی قوملری و ملیت‌لر سیمالری و وکیللریدن شکل‌لنگن ۷۰ گه یقین کیشی چقیریلگن.
بوندن ایلگری ایریم منبع‌لر اۉزبېک تی‌وی گه اوشبو ییغین اشتراکچیلریدن بیرقطاری‌گه تورکیه مملکتی تامانیدن ویزا بېریلمه‌گنینی ایتکن اېدی. بیراق بو ییغین تشکیل ایتووچیلری اۉزبېک تی‌وی گه بو مساله‌نی رد قیله‌دی.
ملی گفتمان مجمع‌سی ییغینی‌ده چقیریلگن سیمالر اشتراکی برابریده تورکیه مملکتی تامانیدن هیچ قندی توسیق‌لیک یره‌تیلمه‌گن و بو ییغین اۉتکزیلیشی خصوصیده برچه تیارگرلیکلر آلینگنینی معلوم قیله‌دی بو ییغین رهبرلیک اعضالری.
اوشبو مجمع رهبرلیک اعضالریدن بیری نینگ کۉپه‌یتیریشیچه، فبروی آیی‌ده تورکیه‌ده اۉتکزیلیشی ریجه‌لشتیریلگن سۉزلشوو بو مجمع نینگ اۉنینچی دور ییغینی دیر که بو ییغین‌لردن ۸ ته‌سی اۉز ارا ییغین و کېله‌سی ییغین شامل ایکی ییغینی اېسه ییریک بیر گفتمان اوله‌راق اۉتکزیلیشی ریجه‌لشتیریلگن.
اونگه کۉره، بو ییغین‌لر هیچ بیریسی برابریده تورکیه مملکتی توسیق‌لیک یره‌تمه‌گن، بلکیم ییغین اۉتکزیلیشی اوچون زمینه یره‌تیلیشیگه همکارلیک هم قیلگن.
