طالبان سۉزلاوچیسی اۉرین باسری حمدالله فطرت، یېتکیرمه‌لر بیلن شریک قیلگن بیاناتیده، افغانستان قیته قوریلیشی اوچون امریکا مخصوص تیکشیرووچیسی اداره‌سی یا ده «سیگار» نینگ اخیرگی گزارشی برابریده مناسبت بیلدیریب، داعش تهدیدی افغانستان‌ده موجودلیگینی رد قیلدی.
طالبان نینگ ادعا قیلیشیچه، حاضر افغانستان‌ده داعش تهدیدی قالمه‌گن و بو گروه نینگ ایریم عامللری برابریده هم فعالیت‌لر قۉلگه آلینگن دیر.
طالبان بو ادعاسی شوندی بیرحالده دیر که داعش گروهی اۉتگن اوچ ییل ایچیده افغانستان تورلی منطقه‌لریده قانلی بیر قنچه هجوملرنی اۉیوشتیرگن.
عینی حالده، سیگار یقین‌ده نشر قیلگن گزارشی‌ده افغانستان‌ده فعال ترورچی گروه‌لر اینیقسه داعش گروهی نینگ منطقه تینچ‌لیگی و برقرارلیگی اوچون کتته خواطر دېب بیلدیرگن.
سیگار گزارشی‌گه کۉره، کۉپینچه افغانستان‌ده فعال بۉلگن داعش گروهی نینگ خراسان بولیمی فعالیتی میلادی ۲۰۲۴ – ییلی دوامیده ۴۰ فایز کۉپه‌یگن.
