کۉپینچه منطقه مملکتلریدن تشکیل اېتیلگن «جمعی خوفسیزلیک کیلیشووی» تشکیلاتی نینگ نوبتده‌گی ییغینیده، ینه بیربار افغانستان‌دن بۉلگن ترورچیلیک تهدیدلری خواطرلی بیان بۉلینگن.
بو حقده نشر اېتیلگن خبرلرگه کۉره، مذکور تشکیلات باش کاتبی ایمانقلی تاسماگمبتوف، ترورچیلیک خوطرلری سبب افغانستان و تاجکستان آره‌سیده‌گی چیگره، کوچ‌لنیشی خصوصیده ایش‌لر قۉلگه آلینگنینی بیلدیرگن.
تاسماگمبتوف نینگ ایتیشیچه “جمعی خوفسیزلیک کیلیشووی تشکیلاتی افغانستان‌دن ترورچیلیک تهدیدلری اۉرته آسیاگه کینگه‌یشی آلدی آلینیشی مقصد، تاجکستان چیگره‌سی کوچ‌لنیشی خصوصیده قرار آلدی.”
ایتیش کېره‌ک که جمعی خوفسیزلیک کیلیشووی تشکیلاتی، طالبان حاکمیتی آستیده‌گی افغانستان‌دن بو خواطرلرنی تیلگه آلیب کېلماقده دیر.
اوشبو تشکیلات‌گه اعضا مملکتلر نینگ کۉپینچه‌سی، طالبان بیلن یخشی مناسبت‌ده بۉلسه هم، بیراق طالبان حاضرگه قدر خوفسیزلیک مساله‌لری خصوصیده، بو مملکتلر قناعت‌نی قۉلگه کېلتیریش‌گه قادر بۉلگن اېمس.
